糖係令你減脂失敗嘅原因？
-
糖有分成好多種，有果糖，葡萄糖，乳糖，蔗糖，麥芽糖等等，今次會針對果糖、蔗糖、砂糖依類【精緻添加糖】講佢對減肥嘅影響。
-
添加糖唔單止增加熱量攝取，佢對人類健康嘅威脅其實係最大：
四大危害：
1. 脂肪堆積喺肚腩�當身體吸收果糖後，血液同肝臟會大量產生並積聚一種脂肪（三酸甘油脂），即係成日聽到嘅內臟脂肪，佢係形成肚腩嘅最大原因。內臟脂肪細胞會促進脂肪激素（Adipokines），透過體內嘅傳送而出現炎症，長期落去會提升患上心臟病、第二型糖尿病等疾病嘅機會。
�＊「果糖」並非指水果中嘅糖分，而係一種添加糖＊
-
2. 令你感覺疲倦/眼訓�依個係一個間接嘅原因令你減唔到肥。「Sugar Crash效應」——意思係當你進食高糖分嘅食物後，血糖會短時間內急速提升，身體會產生大量胰島素以吸收過多嘅糖分，所以血糖又會好快跌返至正常水平，以過程中葡萄糖會被轉化成脂肪。血糖回復正常水平後，身體就無咗足夠嘅糖份保持精神，令你開始懶惰唔想郁，活動量／身陳代謝下降自然令你減肥失敗。
-
3. 糖成癮�對大部分人嚟講，進食高糖分食物後，身體都會自然釋放「多巴胺」一種令你心情變好嘅腦內分泌物，長期食得太多高糖分嘅食物會令你喺心理上開始依賴糖分，過度攝取後身體會出現「瘦素（Leptin）抵抗」嘅情況——瘦素係一種調控食慾及抑制體內脂肪細胞合成嘅荷爾蒙。出現瘦素抵抗後，大腦會接收唔到「飽」嘅訊息，令你愈食愈多，愈食愈肥。�
-
4. 增加飢餓感�除左瘦素之外，仲有一種影響食慾嘅激素叫飢餓素（Ghrelin），主要由胃部分泌。當你攝取大量果糖、葡萄糖後，身體會就大量產生飢餓素，同時降低大腦下視丘對食慾嘅控制，增加飢餓感，提升食慾，後果就同糖上癮一樣。
-
減糖小貼士：
1. 以新鮮生果取代高糖份添加嘅果汁、飲品同甜品，纖維豐富之外，亦提供身體各種維他命、礦物質等營養
2. 出街食飯時，叫野飲嘅時候要求「少甜」，甚至以清水／茶代替；叫野食嘅時候要求「少醬」/「醬另上」甚至「走醬」
3. 購買包裝食物嘅時候，留意成份表，避免選擇含有額外添加糖嘅產品，包括果糖、玉米糖漿、蔗糖、棕櫚糖、麥芽糖、葡萄糖⋯
文: Eunice
圖: Burger/ Eunice
#kofgym #sugar #fat #diet #keepfit #gym #workout #gym #muscle #food #eat #sweet #hongkong #hkgym #香港健身 #香港人
Search